जागृति परिवारमा भारतीय साहित्यका निर्माता प्रेम थापा’-को पुस्तक विमोचन

खरसाङ: भारतीय नेपाली समाजका सुपरिचित राजनीतिज्ञ, साहित्यकार, सामजिक कार्यकर्ता, शिक्षक स्व. प्रेम थापामाथि लेखिएको पुस्तक ‘भारतीय साहित्यका निर्माता प्रेम थापा’ -को साँझ जागृति परिवारमा विमोचन भयो। भारतीय नेपाली समाजका सुपरिचित नाटककार पूर्ण गुरुङ ‘निरुपम’-ले लेखेको यो पुस्तक दार्जिलिङ पहाडी भएको 50 वर्ष पुरानो नाट्य संस्था ‘जागृति परिवार’-को भवनमा यसका अध्यक्ष खेमराज राई र पत्रकार सञ्जय प्रधानको बाहुलीबाट विमोचन गरियोl नयाँ दिल्लीस्थित साहित्य अकादेमीले यो पुस्तक प्रकाशित गरेको होl यो पुस्तकको सार्वजनिक विमोचन अझ बृहत रूपमा फेरि पनि अर्को ठाउँमा गरिने तय गरिएको छl आगामी 21  फरवरी 1933-मा खरसाङको मकैबारी चियाबगानदेखि केही तल लङ्भ्यूको चिलाउने धुरामा जन्मिएका प्रेम थापा एकजना बेजोडका हास्यव्यङ्ग साहित्यकार थिएl पेशाले खरसाङको सन्त अल्फन्सस स्कुलमा शिक्षक रहेका स्व. प्रेम थापा शिक्षा र राजनैतिक क्षेत्रमा चर्चित रहे तापनि एकजना ओझेलमा परेका साहित्यकार हुन्l भारतीय नेपाली साहित्य क्षेत्रको एक पाटामा तिनको महत्त्वपूर्ण योगदान रहेको छl ‘भारतीय साहित्यका निर्माता प्रेम थापा’ यस पुस्तकले तिनको व्यक्तित्व परिचयका साथमा सामाजिक, राजनैतिक, साहित्यिक क्षेत्रबारेमा विशेष गुणहरू उजागर गरेको छl