जलपाईगढी पुलिसद्वारा कोरोनाबारे मानिसहरूलाई जागरूक

जलपाईगढी : राज्यमा फेरि कोरोना संक्रमितहरूको सङ्ख्या बढ्दै गइरहेको छ। यसैले साधारण मानिसहरूलाई कोरोनाप्रति जागरूक गराउने उद्देश्य लिएर पुलिस सुपर जलपाईगढीको सडकमा ओर्लिएका छन्। जलपाईगढीको कदमतला मोड़बाट आज एउटा र्‍याली निकालेर साधारण मानिसहरूलाई कोरोनाबारे जागरूक गराउँदै सहरको विभिन्न मार्गहरूको परिक्रमा गर्यो। यस अवसरमा पुलिस अधीक्षक देवर्षी दत्त, अतिरिक्त पुलिस अधीक्षक पलाश चन्द्र ढाली, डीएसपी हेडक्वार्टर समीर पाल लगायत अन्य पुलिस अधिकारीहरू उपस्थित थिए। पुलिस अधीक्षक देवर्षी दत्तले बताएअनुसार हाल कोरोनाको संक्रमण बढ्दै गइरहे तापनि धेरैजसो मानिसहरू मास्क नलगाई सड़कहरूमा घुमफिर गरिरहेका छन्। यसैले जलपाईगढी पुलिसद्वारा मानिसहरूलाई कोरोनाबारे जागरूक गराउनको साथै यदि कसैले पनि कोरोनाको नियमहरू उल्लङ्घन गरेको खण्डमा तिनीहरूविरुद्ध कानुनी कार्वाही गरिने बताइएको छ।