सिलगढी (निसं): जलवायु परिवर्तनलाई लिएर हाल पर्यावरणविद्हरू चिन्तित बनेका छन्। स्विच अन् फाउन्डेशनको तत्वावधानमा अनि सिलगढी कलेजको भूगोल विभागको सहयोगमा आज सिलगढी शहरमा जलवायु परिवर्तनबारे एउटा बैठक सम्पन्न गरियो। आज उत्तरबंगको विभिन्न स्वयंसेवी संगठनका सदस्यहरूले यस विषयमा चर्चा-परिचर्चा गरे। बैठक अवधि पर्यावरणको रक्षा गर्नका लागि के गर्न सकिन्छ भन्ने विषयमा विशेष गरेर चर्चा चलेको बताइएको छ। यस अवधि स्विच अन् फाउन्डेशनका सदस्य तुहिनशुभ्र मण्डल, सिलगढी कलेजका प्राचार्य डा. सुजीत घोष, जयन्त कर, भूगोल विभागका प्रोफेसर लगायत संगठनका अन्य सदस्यहरू उपस्थित थिए। यस सम्बन्धमा तुहिनशुभ्र मण्डलले भने, यस चर्चामा सबै विशेषज्ञहरूको मन्तव्य लिइने छ। जलवायु परिवर्तनलाई कसरी रोक्न सकिन्छ भन्नेबारे आज व्यापक चर्चा गरियो।