राजगञ्ज : राजगञ्जको पानीकौरी ग्राम पञ्चायतको बुरी मोड़देखि चन्दारबारी गुलुकान्त हाई स्कुलसम्मको सडक लगभग 4 वर्षदेखि जर्जर अवस्थामा रहेकोले वाहन लगायत स्थानीय मानिसहरू उक्त सडक भएर आवत-जावत गर्न बाध्य छन्। पानकौरी ग्राम पञ्चायतदेखि लगभग 4 किमीको सडकमा एउटा हाई स्कुल, धेरैवटा कारखाना लगायत चियाकमानहरू रहेकोले दिनहुँ उक्त सडक भएर हजारौँ मानिसहरू आवात-जावात गर्ने गर्दछन्। लगभग चार वर्षदेखि उक्त सडक जर्जर अवस्थामा रहेको साथै सडकको ठाउँ-ठाउँमा ठुल्ठुला खाल्डो भए तापनि प्रशासनले सड़क मरमतिबारे कुनै पहल नगरेको स्थानीय मानिसहरूको भनाइ रहेको छ।
ग्राम पञ्चायत प्रधान अल्प रायले बताएअनुसार सड़कको अवस्था अति नै दयनीय रहेको साथै उक्त सड़कमा दुईवटा कलभर्ट र एउटा पुल रहेको छ। उक्त सड़कको मरमतिको लागि ग्राम पञ्चायतमा वित्तीय क्षमता नरहेकोले यसबारे इलाकाका विधायक तथा जलपाईगढी जिल्ला परिषदलाई जानकारी गराइसकेको तिनले बताए। तथापि, जिल्ला परिषदले सड़कको मरमति गर्ने आश्वासन दिए तापनि हालसम्म उक्त सड़कको मरमति नगरेकोबारे आफूलाई जानकारी नरहेको तिनले बताए।