जेएनयु घटना सुपरिकल्पित रहेको एबीभीपी-को दावी

सिलगढी : दिल्लीको जवाहरलाल नेहरू विश्वविद्यालयमा भएको घटना एउटा परिकल्पित परिकल्पना रहेको एबीभीपी-को दावी रहेको छ। आज सिलगढी जर्नलिस्ट क्लबमा एउटा पत्रकार सम्मेलनको आयोजना गरेर उक्त घटनामा कम्युनिष्ट पार्टीको परिकल्पित परिकल्पना रहेको बताए। एबीभीपी-का गणेश कान्तिले बताएअनुसार विश्वविद्यालय क्याम्पसमा कम्युनिष्ट पार्टीले विद्यार्थीहरूलाई विभिन्न क्षेत्रमा असुविधा सृष्टि गरिरहेकोले गर्दा एबीभीपी-का सदस्यहरूले यसको विरोध गर्दा कम्युनिष्ट पार्टीका सदस्यहरूले बाहिरबाट मानिसहरू ल्याएर एबीभीपी-का कार्यकर्ताहरूलाई कुटपीट गर्दा मोठ 25 जना कार्यकर्ताहरू घाइते भएपछि हाल तिनीहरू अस्पतालमा उपचाराधीन अवस्थामा रहेको बताए। उक्त घटनामा एबीभीपीका विद्यार्थीहरू नरहेको दावी गर्दै तिनीहरूले यस घटनालाई अन्जाम दिनेहरूको उजागार चाँडै गर्ने बताए। पश्चिम बंगालमा छात्र राजनीतिलाई दबाएर राज्य सरकारले दिल्लीको छात्रहरूको हितमा नबोलेकै उचित हुने तिनीहरूले परामर्श दिए।