जुवाको विवाद हुँदा साथी माथि प्राणघातक हमला: एक जना पक्राउ

सिलगढी, 13 दिसम्बर (निसं): भक्तिनगर थाना पुलिसले साथी माथि प्राणघातक हमला गरेको आरोपमा एकजना साथीलाई पक्राउ गरेको छ। अर्का एकजना साथी चम्पट कसेको बताइएको छ। पक्रा परेका आरोपीको नाम अजय विश्वास हो भने चम्पट कस्ने सञ्जय विश्वासको खोजी पुलिसले जारी राखेको छ।
पुलिस सूत्र अनुसार, गत 9 दिसम्बर भूपेन्द्रनगरमा जुवाको विषयमा अजय विश्वास र सञ्जय विश्वास नाम गरेका दुई भाइको समीर देसँग विवाद भएको थियो। दुई भाइले समीरमाथि धारिलो हतियारले हमला गर्दा तिनी घाइते भएको आरोप रहेको छ। त्यसपछि घाइते समीरले थानामा लिखित उजुरी दर्ता गराए। उजुरी दर्ता भएपछि पुलिसले त्वरित कार्वाही गर्दै अजय विश्वासलाई पक्राउ गरेको छ भने उसको भाई सञ्जय विश्वास हालसम्म भाग्न सफल भएका छन्। तथापि, उनको खोजी जारी छ। पक्रा पर्ने अजय विश्वासलाई शुक्रबार जलपाईगढी अदालतमा पेश गरियो। पुलिसले सम्पूर्ण घटनाको जाँच गरिरहेको छ।