कालीझोडामा पुलबाट खोलामा हाम फालेर आत्महत्या गर्ने प्रयास

कालीझोडा: राष्ट्रीय राजमार्ग 10 अन्तर्गत पर्ने कालीझोड़ाको बङ्लोग् नजिक आज बिहान एकजना अज्ञात व्याक्तिले यहाँको कालीखोला पुलबाट खोलामा हाम फालेर आत्महत्या गर्ने प्रयास गरेको घटना प्रकाशमा आएको छ। स्थानीय मानिसहरूले दिएको जानकारी अनुसार आज बिहान एकजना अज्ञात व्याक्तिले पुलबाट हाम फालेको थाहा पाए पछि तत्कालै तिनलाई स्थानीय मानिसहरूले खोलाबाट उद्धार गरे। यसपछि चिकित्साको लागि तिनलाई रम्बी हस्पिटल पुऱ्याएपछि हाल चिकित्साधिन अवस्थामा रहेको बताइएको छ। हाल उक्त व्याक्तिको अवस्था ठिकै रहेको तर तिनको सटिक ठेगाना थाहा नलागेको जनाइएको छ।