कठोर सुरक्षा व्यवस्थाबीच बङ्गालमा पहिलो चरणको मतदान आजदेखि शुरू

सिलगढी : पश्चिम बङ्गाल विधानसभा चुनाउ 2021-को पहिलो चरणको मतदान आजदेखि शुरू भएको छ। आज पहिलो चरणमा मोठ पाँच जिल्लाको 30 विधानसभा आसनको लागि कठोर सुरक्षा व्यवस्थाबीच मतदान हाल सम्पन्न भइरहेको छ। आज बिहान ठीक 7 बजीदेखि ती मतदान केन्द्रहरूमा मतदान शुरू भएको छ भने उक्त मतदान साँझ 6.30 बजीसम्म चल्नेछ। मतदानलाई लिएर यी सबै ठाउँहरूमा कठोर सुरक्षा व्यवस्था अप्नाइएकोले गर्दा मानिसहरूले उत्साहपूर्वक मतदान गर्न लाइन लागेर आफ्नो पालो पर्खिरहेको देखिन्छ। सामान्य घटनाबाहेक कुनै ठुलो तथा अप्रिय घटनाको हालसम्म कहीँकतैबाट समाचार प्राप्त भएको छैन। बङ्गालमा आठौँ चरण अन्तर्गत हुने विधानसभा चुनाउको पहिलो चरणमा आज क्रमैले पुरुलियाका 9, पूर्व मेदिनीपुरका 7, पश्चिम मेदिनीपुरका 6, बाँकुड़ाको 4 अनि झारग्रामको 4 विधानसभा आसनको लागि मतदान सम्पन्न भइरहेको छ। स्मरण रहोस्, यता दार्जिलिङ तथा जलपाईगढी जिल्लामा पाँचौँ चरण अन्तर्गत आगामी 17 अप्रेलको दिन मतदान सम्पन्न हुने भएको छ।