केन्द्रीय गृहमन्त्री अमित शाह आज सिलगढीमा आइपुग्ने

सिलगढी,19 दिसम्बर: केन्द्रीय गृहमन्त्री अमित शाह आज उत्तर बंगालको भ्रमणमा आउने भएका छन्। एसएसबी-को सिलगढी फ्रन्टियर मुख्यालय, रानीडांगामा सम्पन्न हुने 61औं स्थापना दिवस समारोहमा भोली शुक्रबार तिनी विशेष अतिथिका रूपमा उपस्थित रहनेछन्। प्राप्त जानकारी अनुसार, आज अपरान्ह गृहमन्त्री अमित शाह विमानमार्फत बाघडुग्रा आइपुगेपछि त्यहाँबाट सोझै रानीडांगा जाने भएका छन्। सम्भवत: गृहमन्त्रीले आजको रात त्यहीं विश्राम गर्नेछन्। यसपछि भोली शुक्रबार तिनी रानीडांगामा एसएसबी-को 61औं स्थापना दिवस समारोहमा अंशग्रहण गर्ने कार्यक्रम रहेको छ। एसएसबी-को स्थापना दिवस कार्यक्रममा सहभागी भइसकेपछि शुक्रबार नै गृहमन्त्री दिल्ली फर्किनेछन्। अर्कोतिर, सिलगढीको भ्रमण अवधिमा केन्द्रीय गृहमन्त्री अमित शाहले भाजपाका नेतृत्वहरूसित पनि बैठक गर्ने सम्भावना रहेको बताइएको छ।