केन्द्रीय गृहमन्त्री अमित शाह आज सिलगढी आइपुग्ने

सिलगढी,19 दिसम्बर: केन्द्रीय गृहमन्त्री अमित शाह आज सिलगढीमा आइपुग्ने भएका छन्। एसएसबी-को सिलगढी फ्रन्टियर मुख्यालय, रानीडांगामा सम्पन्न हुने 61औं स्थापना दिवस समारोहमा भोली शुक्रबार तिनी विशेष अतिथिका रूपमा उपस्थित रहनेछन्। प्राप्त जानकारी अनुसार, आज अपरान्ह गृहमन्त्री अमित शाह विमानमार्फत सिलगढी आइपुग्ने पूर्व निर्धारित कार्यक्रम रहेको छ। यसपछि सुकुनास्थित एउटा होटलमा बस्नेछन्। त्यहाँ दार्जीलिङका सांसद तथा भाजपा प्रवक्ता राजु बिष्ट लगायत भाजपाका केही शिर्ष नेताहरूले तिनलाई भेट गर्न जाने छन्। त्यहाँ उनीहरूले पार्टीका नेताहरूसँग केही सांगठानिक विषयमा चर्चा-परिचर्चा गर्नका साथै कतिपय विषयमा छलफल गर्ने बताइएको छ।
भोलि शुक्रबार रानीडांगास्थित एसएसबी-को स्थापना दिवस कार्यक्रममा सहभागी भइसकेपछि गृहमन्त्री दिल्ली फर्किनेछन्।