केन्द्रीय रेल मन्त्री दानभेले सेभोक-रम्फू रेल परियोजनाको निर्माण कार्यको गरे निरीक्षण

सिलगढी : केन्द्र सरकारले 2023 सम्ममा सेभोक-रम्फू रेल परियोजनाको कार्य पुरा गर्ने लक्ष्य राखेको छ। आज दिउँसो सेभोक-रम्फू रेल परियोजनाको कार्यको निरीक्षण गरेपछि केन्द्रीय रेल मन्त्री रावसाहेब पाटिल दानभेले यस प्रकारको मन्तव्य पोखे। तिनले आज सेभोम-रम्फू रेल लाइन टनलको कार्यको निरीक्षण गर्नको साथै रेलवेका अधिकारीहरूसित कुराकानी गरे। यसपछि पत्रकारहरूसित कुराकानी गर्दै तिनले भने, उक्त रेल परियोजनाको कार्य पुरा भएपछि सिक्किमको वित्तीय व्यवस्थामा सुधार हुनेछ। सिक्किमका मानिसहरूले रेल मार्ग भएर सजिलैसित सर-समानहरू ओसार-पोसार गर्न सक्नेछन्। आगामी दिनमा रम्फूबाट चीन बर्डर नथुलासम्म अझै 60 किलोमिटर रेल लाइन तयार गरिनेछ भने हाल सर्भेको कार्य शुरू गरेको तिनले बताए। हाल सेभोकदेखि रम्फूसम्मको 43 किलोमिटरको रेल मार्गको कार्य शुरू भएको छ भने यसमा 40 किलोमिटर पश्चिम बङ्गालभित्र पर्दछ।


Leave a Reply

Your email address will not be published. Required fields are marked *