खोरीबारीबाट नशालु पदार्थ सहित एकजना पक्राउ

खोरीबारी : खोरीबारी थाना पुलिसले धेरै मात्रामा कफ सिरप तथा नशालु ट्याबलेट सहित एकजना व्यक्तिलाई पक्राउ गरेको छ। पक्रा परेका व्यक्ति बाघडुग्राको केष्टुपुर निवासी 22 वर्षीय टीपु सुलतानको रूपमा चिन्हित गरिएको छ। प्राप्त जानकारीअनुसार गोप्य सूचनाको आधारमा खोरीबारी थाना पुलिसले अभियान चलाएर यहाँको देवीगञ्जबाट 110 बोतल कफ सिरप तथा 20 पीस नशालु ट्याबलेट सहित एकजना युवकलाई पक्राउ गरेको बताइएको छ। पक्रा परेका युवकलाई आज सिलगढी अदालतमा पेश गरियो।