खोरीबारीमा 12 वटा भैँसी सहित 3 जना पक्राउ

सिलगढी: तस्करी गर्न अगावै 12 वटा भैँसी सहित 3 जना व्यक्तिलाई पक्राउ गरेपछि आज सिलगढी अदालतमा पेश गर्यो। पक्रा परेकाहरू बिहार निवासी क्रमैले लाल मोहद (50), जाफर अली (60), मोहम्मद जाहिदुल (21) सामेल छन्। पुलिस सूत्रले दिएको जानकारी अनुसार 3 जना व्यक्तिले बिहारबाट भैँसी लिएर पैदल आइरहेको समय खोरीबारी थानझोडा चियाकमान संलग्न इलाकामा खोरीबारी थाना पुलिसले तिनीहरूलाई रोकेर उक्त भैँसी वैध कागजपत्र मागे। ती 3 जना व्यक्तिले 12 वटा भैँसी वैध कागजपत्र देखाउन नसकेपछि पुलिसले तिनीहरूलाई पक्राउ गरेको बताइएको छ। पुलिसले घटनाको जाँच शुरू गरेको छ।