खोरीबारीमा नदीबाट 62 वर्षीय वृद्धाको शव उद्धार

खोरीबारी : खोरीबारीमा नदीबाट 62 वर्षीय वृद्धाको शव उद्धार भएको छ। मृतक वृद्धा खोरीबारीस्थित नेताजीपल्ली निवासी उषा रानी रायको रूपमा चिन्हित गरिएको छ। पुलिस सूत्रले दिएको जानकारी अनुसार स्थानीय मानिसहरूले आज नदीमा उक्त वृद्धाको शव देखेपछि घटनाबारे खोरीबारी पुलिसलाई खबर दिए। घटनाको खबर पाएर पुलिस घटनास्थलमा पुगेर शव उद्धार गरेर पोस्टमार्टमको लागि उत्तरबंग मेडिकल कलेज एवम् अस्पतालमा पठाउनको साथै घटनाको जाँच शुरू गरेको पुलिस सूत्रले जनाएको छ।