खोरीबारीमा सडक दुर्घटनामा परेर 3 जना घाइते

खोरीबारी : खोरीबारी बजार संलग्न इलाकामा सडक दुर्घटना हुँदा बाइकमा सवार 3 जना घाइते भएका छन् भने तीमध्ये बाइक चालक गम्भीर रूपमा घाइते भएका छन्। प्राप्त जानकारी अनुसार गत राति बाइकमा सवार भएर 3 जना खोरीबारीबाट कामराङ्गागढीतर्फ गइरहेको समय खोरीबारी बजार संलग्न इलाकामा सडक बेहाल अवस्थामा रहेकोले गर्दा बाइक अनियन्त्रित भएर दुर्घटनाग्रस्त हुँदा 3 जना घाइते भएको बताइएको छ। स्थानीय मानिसहरूको सहयोगमा घाइतेहरूलाई उद्धार गरेर खोरीबारी ग्रामीण अस्पतालमा लगेपछि प्राथमिक उपचार गरेपछि तीमध्ये गम्भीर रूपमा घाइते भएका बाइक चालकलाई उत्तरबंग मेडिकल कलेज एवम् अस्पतालमा रेफर गरिदिएको छ। सडक बेहाल अवस्थामा रहेकोले गर्दा नै उक्त दुर्घटना भएको स्थानीय मानिसहरूले बताए। घटनाको खबर पाएर खोरीबारी थाना पुलिस र सिलगढी महकुमा परिषद्का किशोरी मोहन सिंह घटनास्थलमा पुगेका थिए। यस अवधि गाउँलेहरूले सडकको बेहाल अवस्थाबारे स्थानीय मानिसहरूले किशोरी मोहन सिंहलाई अभियोग गरेपछि तिनले यसबारे विचार गर्ने आश्वासन दिएका छन्।