खुट्टी पुजाको माध्यमद्वारा सिलगढीको ‘आमरा सबाई स्पोर्टिङ क्लब’-को काली पुजाको तयारी शुरू

सिलगढी (निसं): काली पुजा आउन अब केही दिन मात्र बाँकी रहेकोले सिलगढीको विभिन्न क्लबहरूले युद्धस्तरमा पुजाको तयारी गरिरहेको छ। यसै क्रममा सिलगढीको 34 नम्बर वार्डस्थित सूर्यसेन कोलनीको ‘आमरा सबाई स्पोर्टिङ क्लब‘-ले आज खुट्टी पुजाको माध्यमद्वारा काली पुजाको तयारी शुरू गरेको छ। प्रत्येक वर्ष उक्त क्लबले आकर्षक पुजा मण्डप बनाएर सहरका मानिसहरूलाई आकर्षित गर्दै आइरहेको छ। उक्त क्लबको पुजाले यस वर्ष 53औँ वर्षमा पाइला टेकेको छ। आज खुट्टी पुजाको माध्यमद्वारा काली पुजाको तयारी शुरू गरेको छ। पुजा कमिटीका सचिव सत्यजीत सिंह रायले बताएअनुसार पुजाको साथ-साथ समाज सेवाको कार्य पनि गरिनेछ। यसबाहेक पुजा अवधि केही दिन डेङ्गुबारे जागरूकता अभियान पनि चलाइनेछ।