कुमाई क्षेत्रको गोजमुमो 2 र भाजपाका युनियन नेताहरूद्वारा बिमल गुरूङलाई समर्थन

झोलुङ : कालेबुङ जिल्लाको 44 नम्बर समष्टी अन्तर्गत पर्ने गोजमुमो बिमल खेमा सामसिङ कुमाई समष्टिको निर्देशनमा सम्पन्न सभामा बिशेष गरेर गोजमुमो 2 युनियनको सभापति रत्नमणि छेत्री, भाजपा युनियनका बलदेव थापा लगायत अन्य मानिसहरू डम्बर प्रधानको अगुवाईमा पार्टीमा सामेल भएका छन्।

उक्त सभामा पार्टीको केन्द्रिय समितिका सदस्यहरू क्रमैले चन्द्र योञ्जन, कारसन राई र लिला कुमार गुरुङको उपस्थितिमा समष्टि वर्किङ सभापति सुरेश देवान, समष्टि महासचिव निर्पराज भुजेल, युनियनका सभापति मन कुमार खवास, जुस्लो सभापति कञ्चन गुरुङ, विद्यार्थी मोर्चाका अनुश्री खवास आदिको उपस्थिति रहेको थियो।