कुरा नबुझी पार्टीबाट मलाई दुई महिनाको लागि सस्पेन्स गरेकोले गर्दा नै राजीनामा दिएको हुँ: अलफ्रेट तामाङ

खरसाङ (निसं) : हाम्रो पार्टी खरसाङ महकुमा समितिको अध्यक्ष अलफ्रेट तामाङले पार्टीको आफ्नो पद तथा सदस्यबाट समेत राजीनामा दिएका छन्। तिनले आफ्नो राजीनामा पत्र हाम्रो पार्टी खरसाङ महकुमा समिति सचिवको नाममा पठाएका छन्। अलफ्रेट तामाङले हाम्रो पार्टीको खरसाङ महकुमा समितिको सभापति तथा पार्टीको साधारण सदस्यबाट पनि राजीनामा दिएको शंखघोष गर्दै खरसाङमा पत्रकार सम्मेलन गरेर आज जीटीए चुनाउको समय हाम्रो पार्टीको अध्यक्ष अजय एडवर्डले आफुलाई मौका दिएकोमा धन्यवाद दिएका छन्। यस अवसरमा तिनले भने, ‘पार्टी अध्यक्ष अजय एडवर्ड व्याक्ति रूपमा एकदमै राम्रो छन् साथै तिनीसित मेरो सम्बन्ध राम्रै रहेको भए तापनि मसित कुनै भेटघाट नगरी नै अरुको कुरामा लागेर मैले पार्टीगत कुनै क्रियाकलाप गरिन् भनेर दुई महिनाको सस्पेन्स गरेको रै’छ। मैले खरसाङमा हाम्रो पार्टीको सभा बोलाएको थिए तर खरसाङ महकुमा अन्तर्गत तकलिङ पेशोकमा एउटा झमेला हुँदा म त्यहाँ जानु परेको कारणले सभा रद्द गर्नु परेको थियो। तर, कुनै कुरा नबुझी मलाई दुई महिनाको लागि सस्पेन्स गरेकोले मैले हाम्रो पार्टी खरसाङ महकुमा समितिको सभापति तथा पार्टीको साधारण सदस्यबाट पनि राजीनामा दिएको हुँ।
तिनले पत्रकारहरूले सोधेका प्रश्नको उत्तरमा भने, मलाई सस्पेन्स गरेको छ भने कसरी कार्य गर्नु? मेरो विषयमा पार्टी अध्यक्ष अजय एडवर्डलाई फोन गर्दा पनि फोन रिसिभ भएन अनि मलाई सबै ग्रुपबाट पनि हटाएपछि मैले काम गर्ने कुनै औचित्य नै रहेन।’ पार्टीको यस प्रकारको कार्यले आफ्नो स्वभिमानमा धक्का लागेको बताउँदै अलफ्रेट तामाङले भने, मेरो नजिक स्वभिमानको कुरा नगर्दा हुन्छ। मैले अहिले नै कतै जाने निर्णय गरेको छुइँन। म पार्टी हेर्दिन। म मानिसको राम्रो काम हेरेर सदैव अघि बढ्छु।


Leave a Reply

Your email address will not be published. Required fields are marked *