खरसाङ गर्ल्स फुटबल टुर्नामेन्टमा सिटोङ र खरसाङ टोली अन्तिम चारमा प्रवेश

खरसाङ : खरसाङको मन्टिभियट खेल मैदानमा आज भएको गर्ल्स फुटबल टुर्नामेन्टको दुईवटा क्वार्टर फाइनलमा सिटोङ र खरसाङ टोलीले आ- आफ्नो खेलमा जितेर सेमी फाइनलमा प्रवेश गरेको छ। पहिलो क्वार्टर फाइनल खेलमा जसमा सिटोङले 6-0 गोलको अन्तरले नवदीप युथ क्लब सिमिटारलाई जितेर सेमिफाइनलमा प्रवेश गर्न सफल बनेको छ। यस खेलमा ह्याट्रिक गर्ने महिला खेलाड़ी स्वार्णिम छेत्रीलाई प्लेयर अफ् द म्याच चयन गरियो।


यसैगरी, दोस्रो क्वार्टर फाइनल खेलमा खरसाङले तीनधारेलाई 5-2 गोलले पराजित गरेर सेमी फाइनलमा पुगेको छ। खरसाङ फुटबल एसोसिएशनको आयोजनामा खरसाङको मन्टिभियट खेल मैदानमा सम्पन्न भइरहेको गर्ल्स फुटबल टुर्नामेन्ट गत 10 सेप्टेम्बरदेखि शुरु भएको छ भने यस टुर्नामेन्टको सेमी फाइनल खेल आगामी 16 सेप्टेम्बरको दिन सिटोङ बनाम गैरी गाउँ टुंगमाझ अनि अर्को सेमीफाइनल खेल लाब्दा बनाम खरसाङमाझ हुने भएको छ।


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.