खरसाङ (निसं) : खरसाङको कटलेरीमा सञ्चालित तृष्टि हेण्डलुम्सको जीटीए इन्डस्ट्री एण्ड पीडब्लूडी विभाग सभासद रतन थापा अनि खरसाङ शहर चिम्नी देवराली सभासद श्याम शेर्पाले आज भ्रमण गरे। भ्रमण अवधि सभासदद्वयले ह्याण्डलूम सञ्चालनको लागि सामना गर्न परिरहेका समस्याहरू बारे जानकारी लिए।
सभासदहरूको साथमा जीटीए इन्डस्ट्री विभागका निर्देशक दावा फेन्सो भोटिया, डीआईसी-का महा प्रबन्धक प्रणाम विश्व, पारस लिम्बू लगायत अन्य सामेल थिए। जीर्ण अवस्थामा रहेको कटलेरीको पुरानो कारखानामा सञ्चालन भइरहेको यो हेण्डलुम केन्द्रमा कार्यरत सृष्टि हेण्डलुम्सका सदस्याहरूले धेरै दिनदेखि आफुहरू विभिन्न समस्याको सामना गर्न परिरहेको कुरा भ्रमण अवधि सभासदहरूलाई अवगत गराए।