खरसाङको लोअर सिरुबारीमा सार्वजनिक भवनको उदघाटन

खरसाङ (निसं) : खरसाङको लोअर सिरुबारीस्थित स्कूल पाखामा नयाँ सार्वजनिक भवनको उदघाटन प्रमुख अतिथि टुंग सन्त मेरिज समष्टिको सभासद नुरी शेर्पाले गरे। यस उद्घाटन कार्यमा विशिष्ट अतिथिको रुपमा खरसाङ देवराली समष्टिको सभासद श्याम शेर्पा, भारतीय गोर्खा प्रजातान्त्रिक मोर्चाको खरसाङ महकुमा समितिको सभापति सुवास प्रधान, केन्द्रीय सदस्य समीरदीप ब्लोन, युवा शक्तिको खरसाङ महकुमा समितिको सभापति पेमेन्द्र गुरुङ, नारी शक्तिको केन्द्रीय अध्यक्षा अनु प्रधान, सांगठनिक सचिव मोना स्याङदेन खान लगायत अन्य उपस्थित रहेका थिए। खरसाङ गिध्द पहाड़ समष्टिको सभापति पेमेन्द्र गुरुङको अध्यक्षतामा सम्पन्न उक्त उदघाटन कार्यक्रममा स्वागत सम्भाषण नारी शक्ति खरसाङ गिध्द पहाड़ समष्टिको सचिव सपना लामाले राखेकी थिइन् भने सञ्चालन गिध्द पहाड़ खण्डको संयोजक रुपेन छेत्रीले गरेका थिए। यस सार्वजनिक भवन उदघाटन समारोहमा खरसाङ गिध्द पहाड़ समष्टिको सचिव भक्तिमान तामाङले वक्तव्य राखेका थिए भने धन्यवाद ज्ञापन लोवर सिरुबारी स्कूल पाखाको ग्राम सुधार समितिको तर्फबाट बिमला ठटालले राखकी थिइन्। खरसाङको इञ्जिनियरिङ विभागबाट निर्माण गरिएको यस उदघाटन गरिएको सार्वजनिक भवनले खरसाङको लोवर सिरुबारी स्कूल गाउँलाई सुविधा हुने भएको छ। यस उदघाटन कार्यक्रममा विभागको तर्फबाट कार्यकारी अभियन्ता सुदर्शनकुमार छेत्री र सहायक अभियन्ता दिपेन प्रधान पनि उपस्थित थिए।