खरसाङको मकैबारीमा खुल्ला नगद राशि फुटबल खेल शुरू

खरसाङ : खरसाङ खण्ड अन्तर्गत पर्ने मकैबारी चियाकमानको रूदाक्ष खेल मैदानमा रूदाक्ष युथ क्लबको आयोजनामा खुल्ला नगद राशि फुटबल खेल शुरू भएको छ। प्रतियोगिताको पहिलो खेल नयाँ बस्ती क्लब अनि महानदीमाझ भिडन्त भयो भने जसमा नयाँ बस्ती विजयी बन्यो। यसैगरी, पहिलो दिनको दोस्रो खेलमा आशिष ब्योजलाई मकैबारीले पराजित गरेर दोस्रो चरणमा प्रवेश गरेको छ।  उक्त प्रतियोगिताको उद्घाटन समारोहमा गोजयुमो खरसाङ महकुमा समिति अध्यक्ष पेमेन्द्र गुरूङ, केद्रिय समिति सदस्य सञ्जीब छेत्री, प्रणाम रसाईली लगायत मकैबारी चियाबगानका प्रबन्धकहरू, विभिन्न गाउँ समाजका प्रतिनिधिगण, स्थानीय वरिष्ठ नागरिकहरूको उपस्थिति रहेको थियो।