खरसाङ : नेपालमा सम्पन्न भरहेको ब्याण्ड च्याम्पियन प्रतियोगितामा खरसाङका युवाहरूको चर्चित म्युजिकल ब्याण्ड ‘मेराकी ब्याण्ड’ पनि अन्तिम 6 राउन्डमा पुग्न सफल भएको छ। उक्त मेराकी ब्याण्डलाई अझ अघिल्लो चरणमा पुऱ्याउनको लागि भोट गर्ने अपिल गर्दै वाणीश्री कल्याण समिति खरसाङ अघि आएको छ। खरसाङमा पत्रकार सम्मेलन गरेर वाणीश्री कल्याण समितिले मेराकी ब्याण्डलाई भोट गरेर जिताउन सबैसित अपिल गरेको छ। वाणीश्री कल्याण समिति खरसाङको पक्षमा सभापति विश्व सुब्बाले नेपालको ब्याण्ड च्याम्पियन प्रतियोगितामा मेराकी टप सिक्स-मा पुगेको तथा यसलाई जिताउन अझ अघिल्लो चरणमा पुऱ्याउन सबैलाई भोट गरिदिने अनुरोध गरेका छन्। त्यसरी नै मेराकी ब्याण्डलाई भोट कसरी गर्ने विषयमा वाणीश्री कल्याण समिति खरसाङको कोषाध्यक्षा चित्र आलेले बताउँदै यदि भोट गर्न चाहे नेपालदेखि बाहिरबाट ग्लोबल अनलाइनमार्फत् भोट गर्न सकिने र यदि तेसो गर्न नसके वाणीश्री कल्याण समितिसित सम्पर्क गरेर भोट दिन सक्ने बताइन्। वाणीश्री कल्याण समिति खरसाङकी सतिव इसारा तामाङले पनि मेराकी ब्याण्डलाई भोट गरिदिने अपिल गर्दै मेराकी ब्याण्डको मुख्य गायक खरसाङकै रहेको कारणले हामीले खरसाङको तर्फबाट इनिसियटिभ लिएको र सबैलाई भोट गरिदिने अपील गरेकी छन्।