खरसाङ : गोर्खा जनमुक्ति मोर्चा विनय खेमा खरसाङ महकुमा समितिको आयोजनामा भोलि 31 अक्टोबरको दिन खरसाङ सहरमा बिमल गुरूङको विरोधमा एउटा विराट विरोध र्याली प्रदर्शन गरिने भएको छ। यसलाई लिएर आजदेखि नै खरसाङ सहरमा गोजमुमो समर्थकहरूले तयारी शुरू गरेको छ भने विशेष गरेर सहरको विभिन्न ठाउँहरूमा पोस्टर टाँसिने, झण्डा लगाइने तथा ब्यानरहरू लगाउने कार्य युद्ध स्तरमा चलिरहेको छ।
स्मरण रहोस्, गत केही दिन अघि कालेबुङमा गोर्खा जनमुक्ति मोर्चा बिमल खेमाको नाममा अज्ञात व्यक्तिहरूद्वारा टाँसिएको पोस्टरले अहिले पहाडको राजनैतिक माहौल निक्कै गर्मिएको छ भने बिमल गुरूङ पहाड फर्किए पहाड पुनः अशान्ति हुने दावी गर्दै विनय खेमाका समर्थकहरूले जीटीएका विभिन्न ठाउँहरूमा विरोध र्याली तथा प्रदर्शनहरू गर्दै आइरहेको छ।