खरसाङ नगरवासीहरूलाई आफ्नो घरको विवरण दिने अनुरोध

खरसाङ (निसं) : पश्चिम बंगाल सरकारको पौरव गृह समीक्षा प्रकल्प अन्तर्गत नगरपालिका क्षेत्रमा रहेका सम्पूर्ण  नगरवासीहरूलाई आफ्नो घरको विवरण दिने खरसाङ नगरपालिकाका भाइस चेयरम्यान सुवास प्रधानले अनुरोध गरेका छन्। तिनले पत्रकारहरूसित कुराकानी गर्दै पश्चिम बंगाल सरकारको पौरव गृह समीक्षा प्रकल्प अन्तर्गत नगरपालिका क्षेत्रमा रहेका सम्पूर्ण नगरवासीहरूले आफ्नो घरको संख्या, जमीनको पर्जापट्टा लगायत अन्यहरूको जानकारी सही रूपमा दिने पनि अनुरोध गरेका छन्। तिनले यस कार्यको लागि नगरपालिकाको पक्षबाट स्वयंसेवकहरू अथवा स्वनिर्भर दलका प्रतिनिधिहरूलाई नियुक्त गरेर जानकारी संकलन गराउन घर-घर पठाउने र यसको लागि सबै नगरवासीहरूले सहयोग गरिदिने साथै आफ्नो सही जानकारी दिने अनुरोध पनि गरेका छन्।