खरसाङ : खरसाङ नगरपालिकाका कर्मचारीहरूसँग गोर्खा जनमुक्ति मोर्चाका महासचिव अनित थापाले चुनाउ विषयलाई लिएर एउटा बैठक गरे। कर्मचारीहरुको समस्या अनि दुःख अनित थापाले आजसम्म सुनेको र बुझेको छ अनि समाधानसम्म गरिदिएका छन् भन्दै यसको निम्ति समस्त नगरपालिकाका कर्मचारीहरू अनित थापाप्रति आभारी रहेको बताउँदै चुनाउमा अनित थापाको प्रार्थी छिरिङ लामा दाहाललाई नै समर्थन गर्ने कर्मचारीहरूका पक्षमा प्रितम छेत्रीले बताएका छन्।
तिनले अझ भने, हामी कर्मचारी, थाप्नु मात्र होइन दिनु पनि जान्दछौं। त्यसैले हामी नगरपालिकाका सबै कर्मचारीले यसपालीको चुनाउमा अनित थापा कै उम्मेदवार छिरिङ दाहाललाई भोट दिने निर्णय लिएका छौं। खरसाङ नगरपालिकाको समर्थनलाई स्वागत गर्दै महासचिव अनित थापाले भोट छिरिङ दाहाललाई नै हाल्नुहोस म भन्दिन, खरसाङका जनता सचेत छन्, यसैले यसपालीको भोट सचेत भएर नै हाल्ने अपिल गर्छु भनी बताए। तिनले पहाड बनाउनेलाई भोट हाल्नु हुन्छ कि पहाडलाई जलाउनेलाई भोट हाल्नु हुन्छ त्यो निर्णय म जनतामाथि नै छोडिदिएको बताए।