खरसाङ नगरपालिकाका सफाई कर्मचारीहरूलाई पुजा बोनस प्रदान

खरसाङ: खरसाङ नगरपालिकाको कर्मचारीहरूद्वारा हिजो एक दिनको लागि गरेको बन्द सफल भएको छ। खरसाङ नगरपालिकाद्वारा सबै सफाई कर्मचारीहरूलाई तिनीहरूको माग अनुसार आज पुजा बोनस प्रदान गरियो। यस विषयमा खरसाङ नगरपालिकाको सफाई कर्मचारी गौतम रावतले पत्रकारहरूसित कुराकानी गर्दै हिजो आफूहरूले माग पुरा नगरेकोमा एक दिनको लागि काम बन्द गरेका थियौं तर आज नगरपालिका चेयरम्यानद्वारा आफूहरूको माग अनुसार बोनस वितरण गरिदिएको बताए। यसको लागि सबै सफाई कर्मचारीहरूको पक्षबाट तिनले नगरपालिका चेयरम्यान र अन्यप्रति आभार प्रकट गरे। तिनले हिजो एक दिनको बन्दमा स्थानीयहरूलाई पर्न गएको असुविधाप्रति खेद प्रकट गर्दछौं भनी बताए। रावतले भविष्यमा पनि हामी सबै यसरी नै हाम्रो मागलाई लिएर एकबद्ध भएर अघि बढ़ने बताउँदै आफूहरूको अन्य मागहरू पनि नगरपालिकाले पुरा गरिदिने आशा रहेको बताए।