खरसाङ (निसं) : खरसाङ गोर्खा पार्वत्य खेलकूद सङ्घको आयोजनामा सम्पन्न हुने दशौं सहिद गोल्ड कप फुटबल प्रतियोगिताको आज फिक्चर सार्वजनिक गरियो। खरसाङको खेल मैदानमा सम्पन्न हुने दशौं सहिद गोल्ड कपको फुटबल प्रतियोगिताको फिक्चर खरसाङ गोर्खा पार्वत्य खेलकूद सङ्घको सभापति मोहन योञ्जन, सचिव निर्मल गुरुङ र सहिद गोल्ड कप प्रतियोगिताको कन्भेनर बिजय राईको बाहुलीबाट सामुहिक रूपमा सार्वजनिक गरिएको छ।
उक्त सहिद गोल्ड कप फुटबल टुर्नामेन्ट आगामी 17 जनवरीदेखि खरसाङको चाँदमनि खेल मैदानमा शुरू हुने भएको छ। आज सहिद गोल्ड कप फुटबल टुर्नामेन्टको फिक्चर सार्वजनिक गरेपछि पत्रकारहरूलाई सम्बोधन गर्दै खरसाङ गोर्खा पार्वत्य खेलकूद सङ्घको सचिव निर्मल गुरुङ र सहिद गोल्ड कप फुटबल टुर्नामेन्टको कन्भेनर बिजय राईले विस्तृत रुपमा जानकारी गराएका छन्। तिनीहरूले बताए अनुसार यस पल्टको प्रतियोगितामा दार्जिलिङ, कालेबुङ, सिक्किम, सिलगढी आदि विभिन्न ठाउँबाट मोठ 12 वटा नामी-दामी फुटबल क्लबहरूले अंश ग्रहण गरेको छ।