लाखौँ रुपियाँको काठ उद्धार

अलिपुरद्वार: बक्सा ब्याघ्र प्रकल्पको पाना मोबाइल रेञ्जका वनकर्मीहरूले अभियान चलाएर लाखौँ रुपियाँको मूल्यवान काठ उद्धार गरेको छ। प्राप्त जानकारीअनुसार आज बिहान अलिपुरद्वार जिल्लाको कालचिनी ब्लक अन्तर्गत पर्ने लताबारीको पीएमजी इलाकामा 7 जना तस्करहरूले 7 वटा साइकलमा लादेर मूल्यवान काठ लगिरहेको थियो। गोप्य सूचनाको आधारमा वनकर्मीहरूले अभियान चलाउँदा ती 7 जना तस्करहरूले काठ लादेको साइकल त्यहीँ छोडेर चम्पट कसेको बताइएको छ। जफत गरेको काठ पाना रेञ्जमा लैजानको साथै वन विभागले घटना जाँच शुरू गरेको छ।


जवाफ लेख्नुहोस्

तपाईंको ईमेल ठेगाना प्रकाशित हुने छैन ।

This site is protected by reCAPTCHA and the Google Privacy Policy and Terms of Service apply.