लोकसभा चुनाउ अगावै नेपाल-भारत सीमामा सडक निर्माण कार्यको शिलान्यास

खोरीबारी : लोकसभा चुनाउको मिति घोषणा हुन अगावै भारत-नेपाल सीमा क्षेत्र खोरीबारीमा 20 वर्षपछि सडक निर्माण कार्यको शिलान्यास गरियो। सिलगढी महकुमा परिषद्का सभाधिपति अरुण घोषले आज भारत-नेपाल सीमाको देवीगञ्जदेखि खरीबारीको बिन्नाबारी ग्राम पञ्चायत अन्तर्गत डाङ्गुजोत नेपाल सीमासम्म 1.3 किमी पथश्री सडक निर्माण कार्यको शिलान्यास गरे। स्मरण रहोस्, यो सडक गत 20 वर्षदेखि खराब अवस्थामा रहेको थियो। सिलगढी महकुमा परिषदको पहलमा 50 लाख 79 हजार रुपियाँको लागतमा उक्त सडक निर्माण कार्य शुरू गरिने भएको छ। सडक निर्माण कार्यको शिलान्यास गरेपछि स्थानीय मानिसहरू निक्कै खुसी छन्। अर्कोतिर, सभाधिपति अरूण घोषले भने, यो इलाका नेपालसित जोडेको छ। आज सडकको शिलान्यास गरियो। आगामी दिनमा अझ केही सडकहरूको निर्माण गरिनेछ।