खरसाङ : गाड़ीधुरा आउट पोस्टले खरसाङ पुलिस थानाको सहयोगमा लङ्गभ्यू चियाकमानको विभिन्न दुर्गम ठाउँहरूमा मानिसहरूलाई सचेतना गराए। गाड़ीधुरा आउट पोस्टले लगातार रूपमा यस क्षेत्रमा विभिन्न सेवा अनि सचेतना मूलक कार्यक्रम गरिरहेको छ। यसै क्रममा आज लङ्गभ्यू चियाकमानको अति नै दुर्गम गाउँहरू थलीपाखा, बिमिरेटार, कोठीधुरा अनि चिलाउनेधुरा गाउँमा मनोरञ्जन घोष, एडल एसपी खरसाङले गाउँलेहरूलाई पुलिस र जनताबीचको सुमधुर सम्बन्ध, आगामी चाँडपर्व, अनलाइन ब्याङ्क धोखाधडी आदिबारे जानकारी गराउँदै यसबारे सचेत गराए।
तिनले बाल श्रम, बाल विवाह, पोक्सो अधिनियम बारेमा पनि विस्तृत जानकारी गराउँदै यसबारे तिनीहरूलाई सचेत रहने आग्रह गरे। यसै अवधि घोषले खाँचोमा परेका व्यक्ति र नानीहरूलाई नयाँ लुगाफाटा पनि वितरण गरे।