सिलगढी : कोरोनाको बढ्दो प्रकोपलाई रोकथाम गर्ने उद्देश्य लिएर राज्यमा हाल लकडाउन जारी रहेको छ। लकडाउन अवधि बजार, सौदापातको दोकानहरू खोल्ने निर्दिष्ट समय तोकिदिएको छ। तर केही व्यापारीहरूले लकडाउनको उल्लङ्घन गरेर दोकानपाट खुल्ला राखिरहेका छन्। पुलिसद्वारा लगातार अभियान चलाए तापनि केही व्यापारीहरूले पुलिसको कार्वाहीलाई समेत पत्तै दिएको छैन। एनजेपी थाना अन्तर्गत गेटबजारमा आज यस्तै दृश्य देखापर्यो। यहाँको केही दोकानपाटहरू खुल्ला रहेको देखेपछि एनजेपी थाना पुलिसले अभियान चलाएर 4 जना व्यक्तिलाई पक्राउ गरेको छ। पुलिस सूत्रले दिएको जानकारीअनुसार लकडाउनको उल्लङ्घन गर्नेहरू विरुद्ध आगामी दिनमा पनि यस प्रकारको अभियान लगातार जारी रहनेछ।