मदन भट्टाचार्यद्वारा असहाय परिवारलाई खाद्य सामग्री वितरण

सिलगढी : लकडाउनको कारण धेरैजसो गरिब परिवारहरू समस्यामा परेका छन्। लकडाउनको कारण धेरैजसो मानिसहरू बेरोजगार भएका छन् भने धेरैजसोले जीविका आर्जन गर्ने अन्य पेसा अप्नाएका छन्। यसैले ती असहाय मानिसहरूको सहयोग गर्न मदन भट्टाचार्य अघि आएका छन्। मदन भट्टाचार्यले आज सिलगढी नगरनिगमको 28 नम्बर वार्डको मजदुर कलोनीका 4 जना आवश्यकमन्द परिवारलाई खाद्य सामग्री प्रदान गरे। यसको साथै तिनले एकजना वृद्धाको खाना तथा उपचारको सबै भार लिएको बताइएको छ। स्मरण रहोस्, गत मंगलबार पनि मदन भट्टाचार्यले उक्त वार्डको 3 जना परिवारलाई खाद्य सामग्रीहरू वितरण गरेका थिए।