मदारीहाटमा हात्तीको आक्रमणमा एकजना व्यक्तिको मृत्यु

अलीपुरद्वार, 9 नोभेम्बर (निसं): अलीपुरद्वार जिल्लाको मदारीहाटमा हात्तीको आक्रमणमा एकजना व्यक्तिको मृत्यु भएको छ। मृतकको नाम श्याम मुण्डा (40) रहेको छ। जानकारी अनुसार, मदारीहाटको जामताला क्षेत्रका स्थानीय निवासी श्याम मुण्डा शुक्रबार राति आफ्नो छिमेकीको घर गइरहेको समयमा एउटा जंगली हात्ती उनीहरूको अगाडी आई पुग्यो अनि तिनीमाथि आक्रमण गर्यो, जसका कारण घटनास्थलमा श्याम मुण्डाको मृत्यु भएको बताइएको छ।
घटनाको जानकारी पाएपछि वनकर्मी अनि मदारीहाट थानाका पुलिस घटनास्थलमा पुगेर शवलाई उद्धार गरे अनि यसपछि शवलाई पोस्टमर्टमको लागि अलीपुरद्वार जिल्ला अस्पतालमा पठाएका छन्। पुलिसले सम्पूर्ण घटनाको जाँच सुरु गरेको छ।