माध्यमिक अगस्तमा र उच्च माध्यमिक परीक्षा जुलाईमा सम्पन्न हुने

कोलकाता : कोरोनाको महामारीले गर्दा हालसम्म स्थगित रहेको माध्यमिक र उच्च माध्यमिक परीक्षा अब क्रमैले आगामी अगस्त र जुलाई महिनामा हुने भएको छ। आज राज्य सचिवालय नवान्नमा मुख्यमन्त्री ममता ब्यानर्जीले यस प्रकारको घोषणा गरेकी छन्। तिनले बताएअनुसार यस वर्ष माध्यमिक परीक्षाभन्दा अघि नै उच्च माध्यमिक परीक्षा सम्पन्न हुनेछ। मुख्यमन्त्रीको घोषणा अनुसार उच्च माध्यमिक परीक्षा आगामी जुलाई महिनाको अन्तिम सातामा अनि माध्यमिक परीक्षा अगस्त महिनाको दोस्रो सातामा हुनेछ। परीक्षाको मिति र समय तालिका चाँड़ै जारी गरिनेछ। परीक्षा गृह केन्द्र (आफ्नै स्कूल)-मा हुने बताइएको छ। केवल मुख्य विषयहरूको मात्र परीक्षा हुनेछन्, अन्य विषयहरूको परीक्षा नहुने भएको छ। माध्यमिकमा मूल सात विषयका परीक्षा हुनेछ भने अन्य विषयमा स्कूलको परीक्षाको आधारमा अङ्क दिइनेछ। यसैगरी, उच्च माध्यमिक परीक्षामा पनि प्रमुख 15 विषयको परीक्षा हुनेछ, अन्य विषयहरूमा स्कूलको परीक्षाको आधारमा अङ्क दिइनेछ।