माध्यमिक परीक्षा दिन गइरहेका छात्रको हात्तीको हमलामा मृत्यु

राजगञ्ज (निसं): माध्यमिक परीक्षा दिन गइरहेको समय हात्तीको हमलामा एकजना माध्यमिक परीक्षार्थीको मृत्यु भएको छ। मृतक छात्र अर्जुन कुमार दास गाजोलडोबा संलग्न मन्तादारी ग्राम पञ्चायत अन्तर्गत महाराज घाट इलाका निवासी थिए। प्राप्त जानकारी अनुसार आज तिनी आफ्नो बाबुसित बाइकमा सवार भएर बेलाकोवा केबलपाड़ा उच्च विद्यालयमा पररीक्षा दिन गइरहेको समय जङ्गल नजिक महाराज घाट इलाकामा एउटा हात्तीले हमला गर्दा उक्त छात्रको मृत्यु भएको बताइएको छ। उक्त घटनाले इलाकामा शोकको लहर छाएको छ।  घटनाको खबर पाएर मिलनपल्ली आउटपोस्ट पुलिस तथा वनकर्मी घटनास्थलमा पुगेका थिए। अर्कोतिर, घटनाको खबर पाएर जलपाईगढीका जिल्लाशासक, सिलगढी पुलिस कमिश्नर र मेयर गौतम देव मृतक छात्रको घरमा पुगेर शोक समवेदना प्रकट गरे।