मङ्पु (निसं): महानन्द ईको टुरिजम एण्ड कन्जरभेसन सोसाइटीले वन्य चरा अनि जीव-जन्तुहरूको संरक्षण गर्नका लागि धेरै नै महत्वपूर्ण काम गर्दै आइरहेको छ। यस संस्थाको सभा देव प्रसाद प्रधानको अध्यक्षतामा सम्पन्न भयो। सभालाई सम्बोधन गर्दै संस्थाका सदस्य डीपी प्रधानले यस संस्थाले स्थानीय वन्य प्राणी जीव-जन्तु, चरा-चुरुङ्गी, खोला-नाला अनि वन-जंगललाई संरक्षण गर्नको साथै पर्यटन उद्योगलाई अघि बढाउनको निम्ति नै यस संस्थाको गठन गत 2017 सालमा भएको बताए। यो संस्था गठन भएदेखि यता यस क्षेत्रमा विशेष गरेर घुम्न आउने पर्यटकहरूका निम्ति धेरै वटा होम स्टेहरु निर्माण भइसकेको साथै वन्य चरा, जीव-जन्तुहरूको पनि संरक्षण अनि गाइडहरुको पनि तयार गरिएको कुरा तिनले बताए।
स्मरण रहोस, यो संस्था गठन भएपछि महानन्द वन्य क्षेत्रमा थुप्रै चराहरु लगायत पशु-प्राणीहरूको संरक्षण गर्न सक्षम बनेको छ। त्यति मात्रा नभए संस्थाका बेरोजगार युवा-युवतीहरूले पर्यटकहरुलाई चरा अनि वन्य जीव-जन्तुहरू देखाएर रोजगार पनि प्राप्त गरिरहेका छन्। अहिले यस क्षेत्रमा पाइने धनेश (हङरायो), जोर्डन बाजा, ब्ल्याक बाजा लगायत अन्य चराहरूको फोटो तथा भिड्यो खिच्न भीडको साथमा विभिन्न ठाउँबाट पर्यटकहरु आउने गर्छन्। आजको सभामा संस्थाका सदस्यहरू लगायत स्थानीय फोटोग्राफरहरु ललित तामाङ, नोएल फर्नीङ, सन्जोक देवन, डीपी प्रधान, पीटर ब्याक तथा अन्य सदस्यहरु उपस्थित थिए।