मानस स्मृति गोल्डकप नक आउट फुटबल प्रतियोगिता आजदेखि सुरू

सिलगढी: एनजेपीको सेन्ट्रल कोलोनी स्पोर्टिङ क्लबद्वारा दुई दिवसीय मानस स्मृति गोल्डकप नक आउट फुटबल प्रतियोगिता आजदेखि सुरू गरियो। एनजेपीको रेलवे आउट डुअर स्टेडियममा आयोजित उक्त दुईदिने फुटबल प्रतियोगिताको उद्घाटन आज एनजेपी थानाका ओसी समीर तामाङले गरे। उक्त प्रतियोगितामा उत्तर बंगालका विभिन्न ठाउँको मोठ 16 वटा फुटबल टीमले अंश ग्रहण गरेको छ।

यस सम्बन्धमा आयोजक समितिका सचिव पार्थ दे-ले बताए अनुसार मानस सेन चौधरीको स्मृतिमा उक्त फुटबल टुर्नामेन्टको आयोजना पहिलो पल्ट गरिएको हो। भविष्यमा अझ क्रिकेट प्रतियोगिताको पनि आयोजना गरिने योजना रहेको तिनले बताए।