मङपु: गोरामुमो दार्जिलिङ शाखा अध्यक्ष एवं एड्वर्ड फाउन्डेसनका सदस्य अजय एड्वर्डले मङपु लाब्दा समष्टिको भ्रमण गर्दै यहाँका स्थानीय मानिसहरूसित भेट गरेर भलाकुसारी गर्दै तिनीहरूका विविध समस्यबारे जानकारी लिए। यसै अवधि तिनले मङपु सरकारी अस्पतालको पनि परिभ्रमण गर्नको साथै हाल अस्पतालमा चहिने अति आवश्यक जेनेटर, अक्सीमिटर, व्हीलचेयर र प्रेसर मसिन आउँदो एक हप्ताको अवधिमा दिने तिनले वचन दिएका छन्। यसवाहेक, मङपु परिवर्तन क्लबका खेलाडीहरुसित भेट गरेपछि तिनीहरुलाई चाहिने आवश्यक स्पोर्ट्स सामग्रीहरु पनि प्रदान गर्ने वचन दिए।
यसवाहेक, स्थानीय दुईजना नानीका अभिभावकहरूले आँखाको डाक्टर देखाइ दिने अपील गरेपछि तिनले ती दुई परिवारका नानीहरुलाई दार्जिलिङमा बोलाएर आँखा जाँच गराइदिने आश्वासन दिए। यसैगरी, तिनले मङपु अस्पताल लगायत यहाँको ग्रामीण क्षेत्रहरुको परिभ्रमण गरेर गाउँका मानिसहरूको समस्याहरु बारे जानकारी लिए अनि आफुले सक्दो सहयोग गर्ने कुरा बताए। अजय एडवर्डको साथमा गोरामुमो खरसाङ कमिटी अध्यक्ष निमा तामाङ, पूर्व विधायक तथा गोरामुमो नेता एनबी छेत्री, मङपु गोरामुमोका शीर्ष नेतृत्व देवलाल मोक्तान, अल्बर्ट घिसिङ, प्रवेश राई आदि उपस्थित थिए।