मङ्पु: सेकेन्ड हाफको 72औँ मिनट र खेलको अन्तमा 87औँ मिनटमा अभिषेकले छिराएको 2 वटा गोलको सहयोगमा दार्जिलिङ पुलिस विजय बनेर अघिल्लो चरणमा प्रवेश गरेको छ। मङ्पु युथ क्लबको आयोजनामा सम्पन्न भइरहेको मङ्पु गोल्ड कप फुटबल टुर्नामेन्ट 2021-अन्तर्गत आज खेलिएको रोमाञ्चक म्याचमा आमुक्त परिवार सिलगढ़ीलाई 2-0 गोलले पराजित गरेर दार्जिलिङ पुलिस विजय बन्यो। विजय टोलीको तर्फबाट दुई गोल गर्ने दार्जिलिङ पुलिसका खेलाडी अभिषेकलाई म्यान अफ द म्याच ट्रफी प्रदान गरियो।
टुर्नामेन्टका दुईवटा सेमिफाइनल क्रमशः 25 र 26 नोभेम्बरमा खेलिनेछ भने फाइनल खेल 28 नोभेम्बरको दिन खेलाइने भएको छ। प्रतियोगितामा विजेता टीमलाई ट्रफीको साथमा 2 लाख र उपविजेता टीमलाई ट्रफीको साथमा 1 लाख रुपियाँ नगद पुरस्कार प्रदान गरिने आयोजक समितिले जनाएको छ।