मङ्पु: मङ्पु युथ क्लबको आयोजनामा सम्पन्न भइरहेको मङ्पु गोल्ड कप फुटबल टुर्नामेन्ट 2021-अन्तर्गत हिज सोमवार खेलिएको रोमाञ्चक म्याचमा सिलगढ़ी युनाइटेड फूटबल क्लबले जीत हासिल गऱ्यो। स्थानीय मङपु जनमैदानमा सम्पन्न म्याचमा सिलगढ़ी युनाइटेड फुटबल क्लबले यूजीएफसी कालेबुङलाई 2-1गोलले पराजित गऱ्यो। सिलगढ़ी युनाइटेडको तर्फबाट म्याचमा रितेश विश्वकर्माले 12औं मिनट र करण राईले 36औं मिनटमा गोल गरे। मध्यान्तरसम्म 2 गोलले पछि रहने युजीएफसीले दोस्रो हाफमा एक गोल सुलाए पनि म्याच बचाउन सकेन। युजीएफसी टोलीको पक्षमा आर लेप्चाले खेलको 60औं मिनटमा एक मात्र गोल गरे।
टुर्नामेन्टका दुईवटा सेमिफाइनल क्रमशः 25 र 26 नोभेम्बरमा खेलिनेछ भने फाइनल खेल 28 नोभेम्बरको दिन खेलाइने छ। पर्यावरण संरक्षणलाई ध्यानमा राखेर जीरो वेष्ट-को मूल मन्त्र लिएर टुर्नामेन्टको आयोजन गरिएको आयोजक समितिका अध्यक्ष योगेश राई र सचिव रिषि सिंगदेनले बताएका छन्। प्रतियोगितामा विजेता टीमलाई ट्रफीको साथमा 2 लाख र उपविजेता टीमलाई ट्रफीको साथमा 1 लाख रुपियाँ नगद पुरस्कार प्रदान गरिने छ।