मङ्पु: आदर्श श्रमिक कल्याण केन्द्रको आयोजनामा मङपु खेल मैदानमा आज दोस्रो दिनको वार्षिक दिपावली खेलकुद प्रतियोगिता डीएस प्रधानको अध्यक्षतामा भव्यताको साथमा सम्पन्न भइरहेको छ। आज दोस्रो दिनको समारोहका प्रमुख अतिथि राज्यसभा सांसद शान्ता छेत्री, विशिष्ट अतिथिहरु मिङमा आजी भुटिया, नरेन्द्र पी राई, डा. अरुप घोषाल, समल कार्की, बीबी मिश्र आदि उपस्थित थिए। आजको विशेष आकर्षक खेलहरूमध्ये केटीहरु माझ खुल्ला म्याराथन दौड प्रतियोगिताको आयोजना गरिएको थियो।
यस वाहेक,100, 200, 400 र 1500 किलो मिटर दौड खुल्ला प्रतियोगिता पनि राखिएको थियो। विजयी प्रतियोगीहरूलाई प्रमुख अतिथि तथा विशिष्ट अतिथिहरूको बाहुलीबाट पारितोषिकहरू प्रदान गरियो। दोस्रो दिनको खेलकुद कार्यक्रममा स्वागत सम्भाषण आयोजक समितिका सचिव बुद्धकुमार मोक्तानले राखेका थिए भने मेला अनि खेलकुद प्रतियोगिता हेर्न आउने मानिसहरूको लागि त्रिशुले फाटक चालक सङ्गठनको पक्षबाट नि:शुल्क पानी तथा जुस वितरणको व्यवस्था गरिएको थियो।