मन्त्री गौतम देवले गरे र्‍याली स्थलको तयारीको परिदर्शन

सिलगढी : एनआरसी र सीएए-को विरोधमा आगामी 3 जनवरीको दिन तृणमूलले सिलगढीको मल्लागुढीबाट एउटा विराट र्‍यालीको आयोजना गर्ने भएको छ। राज्यका पर्यटन मन्त्री गौतम देव आज मल्लागुढीमा यसको तयारीको निरीक्षण गरे। यसपछि पत्रकारहरूसँग कुराकानी गर्दै तिनले आगामी 3 जनवरीको दिन मुख्यमन्त्री ममता ब्यानर्जीको उपस्थितिमा एनआरसी र सीएए-को विरोधमा विशाल र्‍याली निकालिइने बताए। उक्त र्‍याली मल्लागुढीबाट शुरू गरेर एयरभ्यु मोड़ हुँदै बाघातीन पार्क पुगेर समापन गरिने भएको छ। उक्त र्‍यालीमा समतललगायत पहाड़का कार्यकर्ताहरू पनि उपस्थित रहने तिनले बताए।