खरसाङ : खरसाङको मार्टियल आर्ट एण्ड फिटनेस अकादमीले आज आफ्नो पाँचौ स्थापना दिवस पालन गऱ्यो। आजभन्दा पाँच वर्ष अघि विश्वकर्म पूजाको दिन सन् 2015 मा खरसाङमा 2 जना विद्यार्थीहरू लिएर मार्टियल आर्ट एण्ड फिटनेस अकादमीको गठन गरिएको थियो । आज यस संस्थाले पाँच वर्ष पूरा गरेको अवसरमा विभिन्न कार्यक्रमहरू गरी पालन गरेका छन्। यस पाँच वर्षको समयमा अकादमीले थुप्रै रेकर्डहरू पनि बनाएको छ । अकादमीका विद्यार्थीहरूले पाँच वर्षको स्थापना दिवस निर्देशक सन्दीप प्रधान, मुख्य प्रशिक्षक सेनसुई राहुल विश्वकर्म र म्यानेजिङ डाइरेक्टर ईशान गुरुङको विशेष उपस्थितिमा विभिन्न कार्यक्रमहरू गरेर पालन गरेको छ।
कार्यक्रममा प्रशिक्षकहरू र विद्यार्थीहरूले गीत, नृत्य प्रस्तुत गरी पालन गरेका छन्। यस अवसरमा पत्रकारहरूसित बोल्दै खरसाङको मार्टियल आर्ट एण्ड फिटनेस अकादमीको निर्देशक सन्दीप प्रधानले हामीले सन् 2015 मा दुईजना विद्यार्थीहरू लिएर अकादमी शुरु गरेको र अहिले पाँच वर्षको समयमा हाम्रो पाँचवटा सेन्टर निर्माण भईसकेको र यहाँबाट विद्यार्थीहरू राष्ट्रीय स्तरमा पुगेर प्रदर्शन गरी जितेर ल्याएको बताएका छन्। उनले हाम्रो आकादमीको विद्यार्थीहरूले धेरै राम्रो प्रदर्शन गरेर धेर धेरै रेकर्ड बनाएको पनि बताएका छन्।