मतदाता सूचीमा भूलबारे तृणमूलद्वारा बीडीओ-लाई ज्ञापन

नक्सलबारी : मतदाता सूचीमा भएको भूललाई लिएर नक्सलबारी तृणमूल कांग्रेस पार्टीका कार्यकर्ताहरूले नक्सलबारी खण्ड विकाश अधिकारी वापी धरसँग भेट गरेर मतदाता सूचीसँग सम्बन्धित विभिन्न प्रकारका समस्याहरू तथा भूलहरूबारे अवगत गराए। यस अवसरमा नक्सलबारी तृणमूल कांग्रेस पार्टी अध्यक्ष पृथिविश रायलगायत अन्य कार्यकर्ताहरू उपस्थित थिए। यस क्षेत्रको केही मतदाता सूचीमा धेरै भूल रहेको साथै केही ठाउँहरूमा मृत व्यक्तिको नाम मतदाता सूचीमा रहे तापनि तिनको फोटोको बद्ली अन्य व्यक्तिको फोटो रहेको नक्सलबारी तृणमूल कांग्रेस पार्टी अध्यक्ष पृथिविश रायले जानकारी गराए। यसको साथै विभिन्न समस्याहरूलाई लिएर आज खण्ड विकाश अधिकारीसँग भेट गरेर अवगत गराएपछि तिनले उचित कदम उठाउने आश्वासन दिएको बताइएको छ। बुथ लेभल एजेन्टलाई बीएलओसँग मिलेर सहयोग गर्ने खण्ड विकाश अधिकारीले आश्वासन दिएका छन्।