मेलिना राईको ‘एकान्तमा’ म्युजिक भिडियो लोकार्पण

मिरिक: नाकिमा ईन्टरटेनमेन्ट मिरिकको ब्यानरमा चर्चित गायिका मेलिना राईको स्वरमा रहेको ‘एकान्तामा’ बोलको म्युजिक भिडियो आज एक भव्य कार्यक्रमबीच लोकार्पण गरियो। उक्त गीतका शब्दकार अगम बिक्राल अनि संगीत तथा निर्देशन नुहाङ राईले गरेका छन्। उक्त भिडियोमा युवा कलाकारहरू मणिन्द्र गोर्खा, प्रतिमा लिम्बु साथै अन्यले अभिनय गरेका छन्। मुस्कान खेसहाङले सञ्चालन गरेको कार्यक्रमको सभापति रहेका थिए। मिरिक उच्चत्तर माध्यामिक विद्यालयका पूर्व शिक्षक प्रभारी वाईएन ढकालको सभापतित्वमा सम्पन्न कार्यक्रममा पालसाङ तामाङ, एसपी राई, एसबी गजमेर, विजय बान्तवा, नुरजा रसाईली, कवि कमला तामाङ, केबी राई, सञ्जय राई, पवन सुब्बा, एनबी लिम्बु लगायत अन्य उपस्थित थिए। कार्यक्रम अध्यक्ष लगायत अथितिहरूको बाहुलीबाट दीप प्रज्वलन गरेपछि शुरू भएको कार्यक्रममा गायिका स्तरा तामाङ अनि रितेन खातीले गीत, प्रज्ञा थापाले नृत्य प्रस्तुत गरे भने कवि रणजीत गुरूङ, मिलन राई, सरस्वती राई, बिदुर गुरूङ, अर्जुन प्रधान आदिले कविता वाचन गरे। यस अवसरमा नाकिमा इन्टरटेनमेन्टको पक्षबाट ऋषि छेत्री, सकिला गुरूङ, चन्द्रदास राई, पालसाङ स्याङदेन, जयराम राई, शान्तप्रकास राई, भीम प्रधानलाई सम्मान जनाइयो।