राजगञ्ज : राजगञ्जको महेन्द्रनाथ हाई स्कुलमा मिड-डे-मिल-को चामल चोरी गरेर लगिरहेको समय स्वनिर्भर समूहका सदस्यहरूलाई स्थानीय मानिसहरूले रङ्गे हात पक्राउ गर्यो। प्राप्त जानकारीअनुसार स्थानीय मानिसहरूले आज स्कुल परिसरमा स्वनिर्भर समूहका सदस्यहरूले मिड-डे-मिल-को चामल लगिरहेको देखेपछि तिनीहरूलाई रङ्गे हात पक्राउ गरेको बताइएको छ। यसबारे स्कुल कर्तृपक्षलाई जानकारी गराउनको साथै पुलिसलाई पनि खबर दिए। स्थानीय गोपाल पालको घरबाट पुलिसले मिड-डे-मिल-को चामललगायत अन्य सामाग्रीहरू पनि उद्धार गरेको छ।
गाउँलेहरूको आरोपअनुसार यसभन्दा अघि पनि तिनीहरूले यसप्रकारको अनैतिक कार्य गरे तापनि स्वनिर्भर समूहका सदस्यहरूले यसभन्दा अघि आफूहरूले यस प्रकारको कार्य नगरेको बताए। इलाकावासीहरूले यसभन्दा अघि पनि मिड-डे-मिल चोरेर बिक्री गर्ने गरेकोबारे स्कुल कर्तृपक्षलाई अवगत गराएपछि आफूहरूले यसबारे खण्ड विकास कार्यालयमा पनि जानकारी गराइसकेको स्कुलका प्रधान शिक्षक भुपेन्द्र नाथले बताए। यसबारे उचित जानकारी लिनको लागि सीसीटीभी क्यामारा जडान गरिएको थियो भने उक्त क्यामारा कसैले भत्काइ दिएको तिनले बताए। यसबारे परिचालन समितिसँग बैठक गरेर निर्णय लिइने तिनले बताए। घटनाको खबर पाएर राजगञ्ज खण्ड विकास अधिकारी एनसी शेर्पा घटनास्थलमा पुगेर स्कुल कर्तृपक्षलाई कानुनअनुसार कार्वाही गर्ने निर्देश दिए। स्कुल कर्तृपक्षको अभियोगको आधारमा राजगञ्ज थाना पुलिसले महिला स्वनिर्भर समुहको 8 जना सदस्यलाई हिरासतमा लिएको छ।