राजगञ्ज : मिलनपल्ली आउटपोस्टको तर्फबाट आज ‘उत्सर्ग’ रक्तदान शिविरको आयोजना गरियो। रगतको संकट दूर गर्ने उद्देश्य तथा मुख्यमन्त्री ममता ब्यानर्जीको निर्देश अनुसार विभिन्न ठाउँहरूमा झैँ आज सिलगढी मेट्रोपोलिटन पुलिस अन्तर्गत राजगञ्ज ब्लकको मिलनपल्ली आउटपोस्टको पहलमा उक्त रक्तदान शिविरको आयोजना गरिएको हो। उक्त शिविरमा थानाका पुलिस कर्मीहरू लगायत साधारण मानिसहरूले स्वेच्छाले रक्तदान गरे भने शिविरमा लगभग 50 युनिट रगत संग्रह गर्ने लक्ष्य राखिएको छ। यस अवसरमा सिलगढी मेट्रोपोलिटन पुलिसका एसीपी ईस्ट शुभेन्द्र कुमार, मिलनपल्ली आउटपोस्टका ओसी सजल राय, मान्तादारी ग्राम पञ्चायत प्रधान दीपक विश्वास लगायत अन्य पुलिस अधिकारीहरू उपस्थित थिए।