मिरिक बजारमा सामाजिक दूरी बनाइ राख्न दोकानअघि गोलो धर्का

मिरिक : मिरिक क्षेत्रमा पनि लगातार कोरोना संक्रमण बढ्न थालेपछि यहाँका बजार व्यवसायीहरूले पनि सतर्कता अप्नाउन थालेको देखिन्छ। आज मिरिक बजारका कतिपय दोकानेहरूले कोरोना संक्रमणको पहिलो लहरमा झैँ सुरक्षा विधि अप्नाएर कोरोनाको दोस्रो लहरमा पनि ग्राहकहरूको सुरक्षाको लागि सामाजिक दूरी बनाइ राख्न पसल अघि एउटा निश्चित दूरी तयार गरेर गोलो धर्का कोर्न शुरू गरेको छ। यहाँका स्थानीय व्यापारीहरूको भनाइअनुसार कोरोनाको संक्रमणलाई रोकथाम गर्न सबैजना सचेत हुन आवश्यक रहेको बताउँदै सबैले मास्क, सेनिटाइजर र सामाजिक दूरीलाई पालन गरे यसबाट बाँच्न सकिनेछ। पसलमा भीड नहोस् अनि सामाजिक दूरीलाई कायम राखेर किनबेच गर्न सकियोस् भन्ने उद्देश्य राखेर दोकानअघि निश्चित दूरी तयार गरेर गोलो धर्का कोरिएको तिनीहरूको भनाइ छ।