मिरिकका युवाहरूद्वारा अजय एडवर्डलाई समर्थन

मिरिक: मिरिकको सौरेनी, टिङलिङ अनि फुवागढीबाट 10 जना युवाहरूले अजय एडवर्डको ‘हाम्रो पार्टी’–लाई समर्थन जनाएको पार्टी मिरिकका प्रतिनिधि अरबिन सुब्बाले जाकारी गराएका छन्। तिनले बताए अनुसार पार्टी प्रमुख अजय एडवर्ड्ससित ती युवाहरूले दार्जिलिङमा भेट गरेर समर्थन जनाउनको साथै पहाडको राजनैतिक विषयमा पनि कुराकानी गरे। यसको साथै अब आउँदो दिनहरूमा ‘हाम्रो पार्टी’–को राजनीति गतिविधिलाई मिरिकमा पनि बढ़ाएर लैजाने बिषयमा चर्चा गरे। ती समर्थन जनाउने मिरिक क्षेत्रका युवाहरूलाई पार्टीमा स्वागत जनाउँदै पार्टीको झण्डा प्रदान गरे। समर्थन जनाउने युवाहरूले बताए अनुसार अहिले राजनीति गर्न ठुल्ठुला भाषण दिन पर्दैन, पोस्टरिड़ गर्न पर्दैन तर काम बोल्छ। पहाड़मा जुन काम एडवर्ड्सले गरेको हामी देख्छौ, त्यसैको आधारमा हामीले ‘हाम्रो पार्टी’-को झण्डा समाएर आउने दिनमा पार्टी बढ़ाउने प्रतिबद्धता प्रकट गरेको छौ।